Oliy ta’lim muassasalari va kasbiy ta’lim tashkilotlarida korrupsiyaga qarshi kurashish bo‘yicha amalga oshirilayotgan ishlar bo’yicha semenar tashkil etildi.

Jizzax politexnika instutetida Oliy ta’lim muassasalari va kasbiy ta’lim tashkilotlarida  korrupsiyaga qarshi kurashish bo‘yicha amalga oshirilayotgan ishlar talabalar bandligini ta’minlash bo‘yicha ustuvor vazifalarni belgilash va ularning ijrosini ta’minlash to‘g‘risida yig’ilish o’tkazildi.

Shuningdek, kengaytirilgan yig‘ilishda barcha oliy ta’lim muassasalari professor-o‘qituvchilari va kasbiy ta’lim tashkilotlari (texnikum va politexnikumlar) direktorlari va ishchi-xodimlari o‘z xizmat vazifalarini halol, vijdonan, yuqori professional darajada va vakolatlaridan chetga chiqmagan holda bajarishi, har qanday vaziyatda o‘z sha’ni va qadr-qimmatini saqlashi, odob-ahloq kasb etika qoidalariga rioya qilishi, kamtar, xushmuomalada bo‘lishi, hech kimga nisbatan qo‘pol muomalada bo‘lmasligi, fuqarolarni qabul qilishda uning xolisligi va beg‘arazligini shubha ostiga qo‘yadigan, biror-bir afzallik va noxolis munosabat mavjud degan tasavvurni hosil qilishi mumkin bo‘lgan, shuningdek ta’lim tizimini obro‘sizlantirish va nufuziga putur yetkazishi mumkin bo‘lgan xatti-harakatlardan o‘zini tiyishi, o‘z xizmat vazifalarini amalga oshirish bilan bog‘liq harakat yoki harakatsizlik evaziga pul, moddiy boylik va mulkiy ahamiyatga ega xizmatlar yoki boshqa ko‘rinishda haq olmasligi, shaxsiy masalalar yuzasidan murojaat qilgan shaxslarga nisbatan xizmat mavqeidan foydalanmasligi, bo‘ysinuvidagi xodimlarni noqonuniy qarorlar qabul qilish yoki g‘ayriqonuniy harakatlar sodir etishga majbur etmasligi kerakligini har kuni yodda tutmog‘i lozimligi ta’kidlab o‘tildi.

Ekologik me’yoriy hujjatlarni ekspertizadan o‘kazishda qanday talablar belgilangan?

Davlat ekologik ekspertizasi markaziga atrof-muhitga ta’sirni baholash jarayoni materiallari va ekologik me’yoriy loyihalar hujjatlarini topshirishda qator talablar belgilangan.

Xususan, taqdim etilgan obyekt toifaga muvofiq, jamoatchilik eshituvi o‘tkazilgan,

shuningdek, obyekt hududida daraxt va butalar mavjud bo‘lgan taqdirda daraxt va butalarning navlari, soni, diametri va balandligi ko‘rsatilgan ma’lumotnoma taqdim etilishi kerak. Obyekt hududiga suv havzalari (daryolar, kanallar, soylar, suv omborlari va boshqalar) yaqin joylashgan bo‘lsa, suv xo‘jaligi organlarining suv obyektining o‘rtacha ko‘p yillik suv sarfi, kengligi, chuqurligini o‘zida aks etgan ma’lumotnomasi hamda suv xo‘jaligi organlarining texnik shartlari talab qilinadi.

Bundan tashqari, elektron tasdiqlangan vaziyat rejasi — obyektga eng yaqin joylashgan aholi punktlari va suv havzalarigacha masofa, obyekt bilan chegaradosh obyektlarning nomi va faoliyat turi ko‘rsatilgan bo‘lishi kerak.

Umuman olganda atrof-muhitga taʼsirni baholash materiallari tarkibida:

— ekspertiza obyektlarining atrof-muhitga taʼsirini baholashda bosqichlarning ketma-ket amalga oshirilganligini oʻrganish;
— loyihalarning jamoatchilik eshituvlari Vazirlar Mahkamasining 2020-yil 7-sentabrdagi 541-son qarorining 3-ilovasida keltirilgan talablar asosida oʻtkazilganligi va ijobiy xulosasi mavjudligini aniqlash;
— ekologik ekspertiza obyekti aholi turar joylariga yaqinligini oʻrganish va davlat sanitariya organlarining obyektni joylashtirish uchun ijobiy xulosasi  mavjudligini aniqlashtirish;
— qurilishi rejalashtirilgan maydonda daraxtlar mavjud boʻlgan holatlarda ekologik nazorat inspeksiyasi masʼul xodimlarining daraxtlarni xatlov qilish hujjati mavjudligi; 
— obyektning vaziyat xaritasi Vazirlar Mahkamasining 2020-yil 7-sentabrdagi 541-son qarori 2-ilovasi 24-bandining “a” kichik bandlariga muvofiqligi tekshiriladi.

Ekologik meʼyoriy loyihalar tarkibida esa  ifloslantiruvchi moddalarni atmosferaga chiqarib tashlash, suv obyektlariga oqizish manbalari, chiqindilarni vaqtincha joylashtirish joylari belgilangan obyekt bino inshootlarining bosh rejasi, obyekt uchun avval berilgan ekologik ekspertiza xulosalarida koʻrsatilgan talablar bajarilishi yuzasidan inspeksiyaning joyiga chiqib oʻrganganlik toʻgʻrisidagi maʼlumotnomalari, korxona tomonidan ifloslantiruvchi manbalar va tozalash uskunalari monitoringi natijalari bo‘lishi lozim.

Muhim! Obyekt hududida 25 foiz yer maydonida ko‘kalamzorlashtirish ishlarini olib borish talab qilinadi.

Buyurtmachilar tomonidan taqdim qilingan arizalarni koʻrib chiqish Oʻzbekiston Respublikasi “Ekologik ekspertiza toʻgʻrisidagi” Qonuni, Vazirlar Mahkamasining 2014-yil 21-yanvardagi 14-son va 2020-yil 7-sentabrdagi 541-son qarorlari, sohaga tegishli Qonun va qonunosti hujjatlari hamda meʼyoriy hujjatlar talablari asosida amalga oshiriladi.

Universiada-2024: belbog‘li kurash bo‘yicha Respublika final bosqichi Jizzax viloyatida bo‘lib o‘tdi.

Universiada-2024: belbog‘li kurash bo‘yicha Jizzaxda bo‘lib o‘tgan musobaqalarda Toshkent viloyati jamoasi g‘olib bo‘ldi.

Avval xabar berganimizdek, Universiada sport o‘yinlari dasturidan joy olgan belbog‘li kurash musobaqalari Jizzax viloyat yakka kurash sport turlariga ixtisoslashtirilgan sport maktabida bo‘lib o‘tdi. Musobaqada jami 12 ta viloyatdan 100 ga yaqin kurashchilar 55, 60, 66, 73, 81, 90, +90 kg. vazn toifasida g‘oliblik uchun bellashishdi. Bir so‘z bilan aytganda respublika final bosqichida eng kuchli va iqtidorli sportchilar saralandi.