2021 yilning 12,13,14 oktabr kunlari Ishchi kasblarni rivojlantirish va ommalashtirish assotsiatsiyasi nodavlat notijorat tashkiloti – «Worldskills Uzbekistan» assotsiatsiyasi boshqaruv Kengashi raisi Farrux Jurayev va mutaxassislari Dadaxon Xushmurodov va Ibroxim Qayumovlar Jizzax viloyati professional ta’lim tizimida faoliyat ko’rsatayotgan 14 nafar pedagoglarni Worldskills standartlari bo’yicha o’qitish uchun Jizzax shahriga tashrif buyurishdi.
Seminar-trening Jizzax shaharidagi monomarkazda olib borildi. Trenning davomida Worldskills standartlari, kompetensiyalari, reglamentlari, texnik tavsiflar, chempinat o’tkazish tartiblari, Worldskills standartlaridan ta’lim dasturlari ishlab chiqish mexanizmlari o’rgatildi.
Seminar-trening yakunida ishtirokchilar onlayn-test topshirdi va ularga Worldskillsning milliy eksperti sertifikati tarqatildi.
Bundan tashqari, Worldskills Uzbekistan assotsiatsiyasi va Jizzax viloyati Kasbiy ta’limni rivojlantirish va muvofiqlashtirish hududiy boshqarmasi o’rtasida hamkorlik Memorandumi imzolandi.
